T A R N A W

Maallingag ngata,
Maysa a sennaay a di maipeksa
Nasilawan kadi,
Kinapudno, agsapa’t insangbay na?

Insangbay,
Tumayatab a mangwanwanawan
Mangsalaknib,
Pakat ken pangta iti dalan.

Maris naiyawat nga abrasa,
Tagainep kadi laeng?
Inwaknit ti tangatang,
Naidatag iti imatang,

Kinapudno,
Kupkupikopan pakinakem ken panunot,
Indatag iti langit,
A kas sagut iti mannubbot.



©22november2007leofinajanegalleta